Ny antom-pisian’ny Projet Jeune Leader
Manaparitaka ny fanabeazana maha olom-banona ny Projet Jeune Leader mba hananan’ny zatovo fahalalana, fahaiza-manao, ary tohana ilainy amin’ny fiainany.
Ny ataonay
Manofana sy manohana Mpanabe voatokana hitondra ny fanabeazana maha olom-banona novolavolain’ny Projet Jeune Leader sy ny Minisiteran'ny Fanabeazam-pirenena.
Mampiroborobo ny fiaraha-mientana eny ifotony sy nasionaly ho an'ny fanabeazana maha olom-banona.
Mitrandraka sy manasongadina ireo vokatra sy ny mety ho fiantraikan'ny fanabeazana maha olom-banona.
Zatovo maherin’ny
138 129
eto Madagasikara no mahazo ny fandaharana “Jeune Leader” eny amin’ny sekolim-panjakana ambaratonga faharoa tamin’ity taona 2024-2025.
Miara miasa amin’ny sekolim-panjakana ambaratonga faharoa miisa
567
Ny fandaharan’asa fototra
Ireo Mpanabe matihanina dia manolotra fahalalana sy fahaiza-manao ary tohana ilain’ny zatovo mba ho salama, handray fanapahan-kevitra tsara ary ho tompon’andraikitra eo amin’ny fiainany.
Manabe mahakasika ireo fahaiza-manao enti-miatrika ny fiainana (ohatra: ny fahaiza-mihaino, ny fifandraisana voalanjalanja, ny fahaiza-manapa-kevitra voadinika, ny fahatokisan-tena,…)
Manome torolalana amin'ny fandraisana fanapahan-kevitra sy manao fanoroana momba ny tolotra sy servisy ilain'ny zatovo.
Mitarika fifampizarana iarahana amin'ny Ray aman-dReny mba hanohanana ny zatovo sy ny fitomboany.
Ny mikasika ny Projet Jeune Leader
TANTARA
Ny ONG Projet Jeune Leader dia fikambanana tsy miankina niforona ny taona 2013 tao Fianarantsoa. Tamin’izany fotoana izany dia niasa tamina sekolim-panjakana ambaratonga faharoa efatra monja tao an-toerana izahay. Ankehitriny dia mahatratra 567 ireo sekoly mpiara-miasa, miparitaka amin’ny faritra enina ambin’ny folo eto Madagasikara. Ny ankamaroan’ireo sekoly mpiara-miasa ireo dia any ambanivohitra avokoa.
Te hahafantatra bebe kokoa momba anay, ny lalana nodiavinay sy ireo zava-bitanay ve ianao?
EKIPA
Mampirehareha anay ny milaza fa fikambanana naorina tanora izahay, ary tarihina vehivavy. Maro amin’ireo ekipa no miasa eo anivon’ny birao amin’ny faritra telo izay misy anay : Antananarivo, Antsirabe, Fianarantsoa
MPIARA-MIASA
Miara-miasa akaiky amin’ny Ministeran’ny Fanabeazam-pirenena ny Projet Jeune Leader mba hampandrosoana haingana ny programa mahakasika ny fanabeazana maha-olom-banona.
Tena manan-danja aminay ny fiaraha-miasa amin’ireo rehetra eny anivon’ny fiaraha-monina, anisan’izany ny mpianatra, ny Ray aman-dReny, ary ny mpisehatra rehetra eny anivon’ny sekoly indrindra ny talen-tsekoly. Inoanay fa zava-dehibe ny fihainoana ny hevitr’izy ireo sy ny fandraisan’izy ireo anjara amin'ny fampiroboroboana ny fanabeazana maha olom-banona.
Amin’izao fotoana izao dia manitatra ny fiaraha-miasanay any amin’ny sehatra isan-karazany izahay mba hanatratrarana ilay vina hoe: “ Ny zatovo tsirairay, olom-banona”
.png)
Fampidirana ny fanabeazana maha
olom-banona ao amin’ny rafi-pampianarana Malagasy
Fiaraha-miasa amin’ireo fikambanana tsy miankina.
Miara-miasa akaiky amin’ny Minisiteran’ny Fanabeazam-pirenena izahay ka manofana mpampianatra mba hahafahan’izy ireo mitondra ny fanabeazana maha olom-banona eny amin’ny CEG sy eny amin’ny sekoly tsy miankina.
Miara-miasa amin’ny Firaisamonim-pirenena izahay mba hahafahana manaparitaka ny fanabeazana maha olom-banona amin’ireo zatovo ao amin’ny fikambanan’izy ireo.
Misoratra ho fikambanana tsy mitady tombony eto Madagasikara ny Projet Jeune Leader, ary manana birao ao Antsirabe, Antananarivo ary Fianarantsoa.